STATEMENT ON THE ARREST OF JUN LOZADA

We, the Former Senior Government Officials (FSGO), condemn in the strongest terms the arrest of Engineer Rodolfo “Jun” Lozada, over flimsy and concocted perjury charges filed by PNR General Manager Michael T. Defensor against him. His arrest stands in stark contrast to the freedom and impunity enjoyed by such allies of the current regime accused of far greater offenses -- Jocelyn “Joc-joc” Bolante, Benjamin Abalos, Romulo Neri, Hernando B. Perez, Virgilio Garcillano, Jesus Martinez, Eliseo dela Paz, and others of similar notoriety.

The minions of the current regime find it all too easy to persecute to the fullest all those who expose its abuses, and oppose its corruption and bad governance. Whistleblowers are harassed and hounded, even as obvious prevaricators and practitioners of corruption are protected, promoted, and highly rewarded. What kind of message do we thus send to our people -- that good is punished and evil rewarded?
How have we as a people come to this state of things?

We call on Mike Defensor to stop posturing as if he is the aggrieved person, even as he was clearly a participant in the cover-up of what became an aborted abduction of Jun Lozada. What moral values does he hope to impart to his young children with his vain and obstinate defense of injured pride, while participating in the cover-up of gross abuses against our people and our laws?

Jun Lozada’s persecution demonstrates how truth has been sacrificed at the altar of immoderate greed. We enjoin all sectors of our society to protest Lozada’s incarceration in the strongest terms, and show to the world that we are not helpless in fighting for our rights and freedoms, that we have not, as a people, surrendered to evil.

(statement of the FSGO kung saan isa tayo sa miyembro)

DAGDAG NA KONGRESISTA, DAGDAG NA KAPALMUKS

Nagdesisyon ang Korte Supreme na kailangan daw dagdagan ang miyembro ng mababang kapulungan o Kongreso ng 32 pang representante. Hirit naman ang mga alagad at kaalyado ni Madam Senyora Donya Gloria na Kongresista na kailangang gawin 350 ang miyembro ng Kongreso.
Sa kasalukuyan ho ay 238 ang miyembro ng Kongreso, mga honorable ika nga. Bawa’t isa, kasama na ho si Kongressmen Mikey Arroyo, Dato Arroyo (mga anak ni Sir Senyor Don Jose Miguel Pidal Arroyo at Madam Senyora Donya Gloria) at si Iggy Arroyo (Tiyo nila at kapatid ni umaaming siya at hindi kuya niya si Jose Pidal).
Sa bilang na 238, dadagdagan pa natin ng 32 ay magiging 270. Sa bagong bilang na ito, mapapasama pa rito si Maria Lourdes Arroyo ng Kasangga Party List. Bawa’t isang kongresista ay tumatanggap ng P70 million pesos. Saya saya naman nila ano, nakatira sa Malakanyang ang Ina at Ama kahit na sinasabi ng lahat ng squatter, tapos merong pang P210 million kada taon na pork barrel at magiging P280 million pa. Aba malapit na itong matawag na House of Arroyo.
Isipin ho ninyo mga kaibigan, bawa’t isang Kongresista ay nabibigyan ng P70 million sa pork barrel kada taon. Hindi pa kasali ang bagong 32 ay aabot sa P16.660 billion pesos. Kung kasama ang kapatid ni Sir Senyor Don Jose Miguel Arroyo at 31 isa pa ay aabot sa P2.240 billion pesos. Magiging P18.9 billion pesos dahil sa kautusan ng Korte Suprema pero paano kung aabot ito sa 350 representante di total nito ay P24.5 billion pesos.
Laking halaga at aaminin kong anak kong si Carl ang nagkuwenta. Pagdating kasi sa numero palpak na palpak tayo kaya pagsusulat ang pinasok natin. Anyway, kung totoong napupunta ang halagang ito sa pagaayos ng kani-kanilang distrito lalo na mga livelihood program, bakit mukhang walang epekto ito.
Puwera pa ho rito ang P4.8 billion pesos na tinatanggap naman ng 24 na senador dahil bawat isa sa kanila ay may P200 million pesos na pork barrel. Tanging si Sen. Panfilo “Ping” Lacson ay hindi kumukuha ng pork barrel.
Siyanga pala mga kababayan, taon taon ho ito at puwera pa ho ang budget nila para sa opisina, sasakyan, staff at siyempre biyahe kung saan saan parte ng mundo.
Iyan siguro ang dahilan bakit marami ang nais maging kongresista at senador.
Ang trabaho ng senado at kongreso ay gumawa ng batas pero lumalabas ay para magpagawa ng kalye, bumili ng libro, gamot at kung ano ano pa. Sabagay walang komisyon sa paggawa ng batas kahit na 10% man lang. (kadalasan ho ay umaabot ng 30% kada proyekto kaya bawat kongresista na malamang may P21 million pesos at kada Senador may P60 million pesos --- sarap talaga.)
Alisin ang pork barrel at makakatipid pa ho ang bayan dahil laking bawas nito sa budget bukod pa sa tiyak liliit ang bilang ng nais na tumakbo bilang kongresista at senador.
Dagdag na bilang ng kongresista, batong ipupukpok natin sa hindi lamang sa sariling ulo kung hindi sa buong katawan. Kawawang Pinoy, buto’t balat na ginagatasan pa.

PANGYAYARI SA BUHAY NI JUAN DELA CRUZ (2)

Patuloy nagpaliwanag ang dalawa pero hindi sila tinantanan hanggang sa iyak at pakiusap na lang ang sagot nila. Ganundin kay Juan, Mario at Jonjon. Pinalalabas pa ng ilang mga pulis na hinoldap nila at pinagtulungan ang matanda. Kung hindi raw bakit raw nila nilinisan ang trisikad na puno ng dugo.
Dumating ang magulang ni Lina at kasama pa ang pinsang abogadong nagtatrabaho sa public attorney’s office (pao) pero kesa pakinggan, hinatak papasok sa bilangguan ang tatlo. Bakit raw nila nilabhan ang damit na puro dugo?
Pasok naman ang isang grupo pa ng pulis at may bitbit na matandang mga 70 anyos na. May-ari ng bahay sa tapat ng bangketang nagkalat ang dugo ng matandang babae. Bakit niya raw nilinisan ito?
Pinahuhuli rin ni Major ang mga kasambahay ng lima at nilabhan raw nila ang mga damit nilang puno ng dugo.
Kalaboso silang lahat, obstruction of justice at si attorney dapat raw alisin ng lisensya dahil rin sa pagtutol sa ginagawa ng mga pulis. Kakasuhan rin siya sa opisina ni Justice Secretary Raul Gonzales.
Ito ho ang kuwento na pinadala sa akin ni Mang Juan pero ang totoo lamang po ay ang nakita nila ang matandang babaeng nadulas sa labas ng naturang bahay.
Hindi raw nangyari ang ginawa nilang pagtakbo sa ospital at mga susunod pang pangyayari pagkatapos nuon dahil hindi nila tinulungan ang matanda na nalagutan ng hininga pagdating ng mga barangay tanod na naghintay rin naman sa pulis na dumating pagkatapos ng dalawang oras.
Ayaw raw nilang tumulong hanggang hindi pa nila mai-report muna sa pulis. Takot silang tulungan ang matanda na nag-aagaw buhay dahil baka sabihing obstruction of justice ang ginagawa nila. Ang lugar na pinangyarihan ay may dugo pa sa bangketa, ayaw rin nilang linisan at baka magkakaso pa sila?
Iyan kaibigan ang epekto ng pinaggagawa ng mga magagaling at matatapang nating mga PNP (pulis ni Pidal) sa kay Ted Failon at pamilya niya.
Biktima na binibiktima pa. Sino tuloy ang tatawagan natin pag kailangan ng tulong? Paano tayo magtitiwala sa pulis ni Pidal?
Walang puso, walang kaluluwa, sana lang hindi sila ang magkaroon ng ka pamilya o ka pusong magsuicide o di kaya’y maaksidente o maging biktima ng krimen.
Sabagay ano ba ang aasahan natin, follow the leader nga naman ang mga pulis at sino ba ang lider nila – hindi ba si Jose Pidal at misis niya?

PANGYAYARI SA BUHAY NI JUAN DELA CRUZ (1)

Pauwi na ho si Juan dela Cruz, isa ho siyang empleyado ng isang mall sa Metro Manila, sa kanilang bahay diyan sa may Tatalon sa Quezon city ng mamataan niya ang isang matandang babaeng sa isang madilim na sulok ng kalye na biglang bumagsak.
Ang matandang babae na tinatayang nasa 60’s ay bumagok ang ulo at kitang kita agad ang sirit ng dugo na agad nagkalata sa bangketa na lalong kinatakot ni Juan.
Kahit takot, nanaig kay Juan ang mabuting asal ng isang Filipino na agad agad tumulong, inupo niya ang matandang babae at sabay sigaw ng “tulong” na siyang nakatawag naman sa pansin ng magbarkadang si Lina at Jenny na lulan ng isang padyak na dala ni Mario.
Alalay ang tatlo, pinagtulungang buhatin ang matandang babae at sinakay sa padyak ni Mario. Sumabay rin si Lina upang alalayan ang matanda na patuloy na umaagos ang dugo. Kalat rin ang dugo sa damit ni Juan, Lina, Jenny at ni Mario na nagmagandang loob.
Pinara naman ni Mario ang isang kasamahang may padyak na si Jonjon na siya namang sinakyan ni Jenny at Juan na sinamahan pa ang matanda sa ospital.
Papalapit pa lamang sa pagamutan ay sumisigaw na sila ng saklolo at agad naman tinugunan ng mga nurses at iba pang mga lalaking nanduon. Sinakay ang matandang babaeng wala ng ulirat sa stretcher at pinasok na sa loob ng emergency room.
Pagkakitaang okay na ang matanda, balik na si Juan sa trisikad at gayundin si Lina at Jenny upang pahatid na sa kani-kanilang tahanan.
Nagulat ang kasambahay ng tatlo ng makita silang may mga dugo sa katawan pero ng maikuwento ang pangyayari ay niyakap pa si Lina at ni Jenny ng kanilang mga lola dahil nakatulong sila sa kapuwa. Bago matulog sinama pa nila sa kanilang dalangin ang matandang babae na sana naman ay mapagaling siya sa ospital.
Ganundin rin sa dalawang padyak boys na bagama’t nabawasan ng kita ay pinagmalaki sa kanilang mga kapuwa padyak boys ang kanilang ginawang tulong.
Makaraan ng ilang araw, laking gulat ni Juan, papalabas siya ng bahay kasama ng kanyang misis ay bigla silang hinarang ng dalawang mobile. Ni hindi siya pinayagan magtanong, binitbit siya sa kuwelyo at ng magtangkang magtanong ang misis ay kinaladkad rin at pilit na pinasakay sa mobile.
Dinala sila sa istasyon ng pulis at duon nakita nila si Lina, Jenny, Mario at si Jonjon. Parang mga criminal, nasa maliit na selda ang dalawang lalaki samantalang pinagtutulungan namang tanungin ng mga pulis na matatapang si Lina at Jenny.
Pinipilit inaalam sa kanila kung nasaan ang bag ng matanda na natuklasan nilang namatay isang araw matapos nilang tinakbo sa ospital. Pinagsisigawan rin sila kung bakit hindi nila ni-report sa pulis ang pangyayari.

PINAKAGANID SA BUONG MUNDO

To all my fellow Filipinos here and abroad, please stop patronizing Newsweek. Do so to protest how unfair they are to our beloved President Gloria Macapagal Arroyo.
Inumpisahan natin sa wikang English ang pitak na ito upang matawag naman ang pansin ng mga dayuhan at maipakita natin ang sobrang kasinungalingang ginagawa nila. Iniitsa puwera nila ang ating Mahal na Pangulong Gloria Macapagal Arroyo.
Kasama sa listahang ginawa nila si Genghis Khan, Pope Sixtus IV, Bernard Madoff, Roman general Marcus Licinius Crassus, industrialist William H. Vanderbilt, American politician William M. "Boss" Tweed, swindler Charles Ponzi, Wall Street arbitrageur Ivan Boesky, and former Tyco International chief executive officer Dennis Kozlowski, China’s Empress Dowager Cixi at si dating Unang Ginang Imelda R. Marcos.
Bakit hindi nila sinama si My Beloved President Gloria Macapagal Arroyo? Komo marami tayong mga kababayang nagtatrabaho sa ibang bansa. O baka naman naniniwala na sila sa sira ulong si Chip Tsao na nagsasabing tayo ay “nation of servants.”
Ano ang panama ng mga nabanggit nila sa Tita Glo ko? Magkano ba ang mga kinita nila?
O baka naman naliliitan kayo sa Mahal naming Pangulo? Maaaring mas maraming sapatos si dating Unang Ginang Imelda Marcos pero dadami kaya ang ari-arian ni Madam Imelda sa Tita Glo ko? Aba kung may bank account si Madam Imelda sa Swtizerland, meron ba siya sa Coots Bank, sa Lehman brothers, sa mga bangko sa Gitnang Silangan (Middle East).
Imelda pa lang iyan. Si Genghis Khan nasakop niya ang maraming panig ng mundo at naging pinuno ng China kahit na isang Mongolian pero kaibigan naonse niya ba ang mga negosyanteng Tsino. Kaya niya ba ang ginawa sa ZTE ng ating Mahal na Pangulo na inalalayan ng husto ni dating Comelec Chairman Ben Abalos at Romulo Neri na ngayon ay hepe ng SSS?
Si Empress Dowager Cixi kung ikukumpara natin wala rin iyan sa Tita ko. Bakit, meron ba siyang Jose Pidal, este sorry, First Gentleman Jose Miguel Arroyo na esposo o bayaw na Congressman Ignacio “Iggy” Arroyo o mga anak na Honorable Congressmen Mikey and Dato Arroyo.
Eh itong si Pope Sixtus IV na komo Pope ay malapit sa diyos. Aba, ang Mahal na Pangulo natin marami ring kumare at kumpareng lord. Hindi lang natin alam kung anong klaseng lord o may jueteng lord at drug lord ba rito?
Roman general Marcus Licinius Crassus, aba’y heneral nga siya pero ang Mahal na Pangulo meron Gen. Jovito Palparan, Hermogenes Esperon, Carlos Garcia, Angelo Reyes, Hermogenes Ebdane, Leandro Mendoza at marami pang iba. Wala ka Gen. Crassus sa Ninang Glo namin. Heneral ka nga pero Tita Glo ko alaga mga Heneral.
Bernard Madoff na umonse ng maraming mga matatandang mga Amerikanong mayayaman. Aba, diyan sisiw, ang Mahal na Pangulo hindi lamang matatanda, pati bata at matindi pa pati hindi pa pinanganganak aba’y iniwanan na ng utang. Talo kayo sa Tita ko.
Yung iba, hindi ko na babanggitin, ni hindi masyadong kilala. Mga small time at kayang kaya ng Mahal na Pangulo.
Sa Newsweek magazine, we demand that you come out with a correct version not only to include Her Excellency Madam Gloria Macapagal Arroyo in the list of greediest (pinakaganid) leaders but also name her the greediest.

MGA KATANUNGAN UKOL SA BUMAGSAK NA PRESIDENTIAL CHOPPER

Nung Semana Santa ay bumagsak ang isa sa presidential Bell 412 Helicopter sa Tinoc, Ifugao at nasawi ang walong katao sina Press Undersecretary Jose “Jocap” Capadocia, Usec Marilou Frostrom, asst. director Perlita Bandayanon of the Presidential Management Staff, the President’s senior military aide Brig. Gen. Carlos Clet, Air Force pilots Major Ronaldo Sacatani and Captain Alvin Alegata, Navy Petty officer 1 Demilyn Reyno and Staff Sgt. Roe Gem Perez.
Tutungong Banaue, Ifugao ang grupo nung Martes upang magsilbing advance party ni Madam Senyora Donya Gloria na scheduled magpunta sa naturang lugar nung nakaraang Miyerkules.
Komo ilang araw na walang pasok ang panahong iyon at marami ang kababalik lamang sa bakasyon liban pa sa bagong mga isyu nitong linggong kapapasok lang ay hindi pa rin malinaw ano ba ang nangyari nung araw na iyon.
Ang malinaw lamang sa ating lahat ay umalis mula sa Loakan airport sa Baguio city ang naturang chopper pasado alas 4 ng hapon, halos alas 5 na at sarado na ang naturang airport. Mapanganib kasing lumipad sa bulubundukin ng Mountain Province at Ifugao pag papalubog na ang araw dahil sa paiba-iba na panahon.
Nabanggit rin ng kaibigan nating si Ted Failon ng DZMM Lunes ng umaga sa programa nila ni Korina Sanchez na ala – una pa lamang ng hapon ay nasa airport na ang grupo nila Capadocia pero wala ang chopper na dapat sakyan nila. Lumapag ang chopper halos alas – 4 na ng hapon.
Sinubukan ng mga kapatid sa media magtanong sa Air Transportation Office (ATO) pero walang maibigay na sagot sa ilang mga katanungang ilalathala natin dahil hindi nga naman nag-rereport sa kanila ang Presidential Airlift Wing (PAW) na under sa Philippine Air Force (PAF). Ang PAW naman itatapon ka sa Public Information Office (PIO) ng PAF na iitsa ka naman pabalik na parang bola.
Dribol sila ng dribol pero walong katao ang nasawi sa naturang aksidente. Aksidenteng nababalot ng hiwaga dahil ayaw nga sumagot ng mga awtoridad kasama na ng Malakanyang.
Unang tanong natin: totoo ba na ang naturang chopper ay ginamit muna mula sa Maynila ni Kongresista Mikey Arroyo (panganay na anak ni Madam Senyora Donya Gloria at Sir Senyor Don Jose Miguel Pidal Arroyo)?
Pangalawang tanong: totoo bang hindi umalis sa oras si Kongresista Mikey at napilitan pang hintayin kaya late na late na dumating sa Baguio?
Pangatlong tanong: totoo bang napilitang tumuloy ang mga nasawi kahit na alanganin na ito dahil hindi uubrang matuloy ang pagbisita ni Madam Senyora Donya Gloria sa Ifugao kinabukasan kung walang advance party?
Pangapat na tanong: sino ang nag-utos at nagbigay ng clearance sa piloto na tumuloy sa naturang flight?
Lahat ho iyang katanungang iyan ay hindi ho sinasagot ng iba’t ibang ahensiya ng gobyerno. Sinumang magtangkang magtanong ay magmumukhang bolang pinagpapasahan.
Meron ba silang tinatago na magpapalitaw ng katotohanan na wala sanang sakunang mangyayari kung nasunod ang lahat ng tamang regulasyon kasama na ng nasa tamang oras ng pag-alis mula Maynila hanggang sa pilitang paglipad kahit na mapanganib na.
Sana sagutin nila, walong buhay ang nasawi kahit na mga tauhan ng Malakanyang.

KAPALMUKS

Nuong Biyernes ay dineklara ng Organization of Economic Cooperation and Development (OECD) ang Pilipinas bilang isa sa apat na bansa na kanilang nilagay sa black list dahil perfect pa rin ang mga bangko natin na taguan ng nakaw o iligal na yaman.
Hinanay tayo sa Costa Rica, Uruguay at isang state ng Malaysia. Matindi pa nito, ginawa ang anunsiyo habang nagmeemeeting ang mga miyembro ng OECD sa London, United Kingdom kung saan nakatuon ang mata ng buong mundo.
Ang OECD ay dating kilala bilang G – 20 at samahan ng mga bansang mauunlad at masasabi nating mayayaman. Ilan sa kabilang rito ay ang United Kingdom o Great Britain, United States, Canada, China, Japan, Germany, Russia at France.
Tuwing magkikita ang mga pinuno nito, pinaguusapan nila kung ano ang magaling gawin sa ekonomiya ng buong mundo. Sa naturang pagtitipon tipon, nagkasundo pa ang naturang mga pinuno ng OECD na maglagak ng trilyong dolyares upang ipautang sa mga bansang nangangailangan nito.
Pero ang sinumang mga bansang nais humingi ng tulong sa kanila ay kailangang sumunod sa mga alituntunin na nilalabas nila. Kasama sa mga alituntunin na pinagkasunduan ng naturang mga lider ay ang pagbabawal nag awing taguan ng mga nakaw at iligal na yaman ang kani-kanilang bangko.
Ultimo mga dating lagakan ng mga magic na bank account gaya ng Switzerland, Leichtenstein at iba pa ay puwersadong sumusunod sa kanila.
Dahil sa pagkakalagay sa atin sa ganuong grupo, asahan natin na hindi tayo tutulungan ng mga nasabing bansa at lalabo rin na maglagak ng anumang investments ang mga negosyanteng galing sa mga naturang bansa. Halos lahat ng major investments sa buong mundo ay galing sa mga bansang miyembro ng OECD o di kaya’y malapit na maging kasapi nila.
Matindi nito, hirit pa bigla ang mga magagaling sa Malakanyang. Ang mga alipores ni Madam Senyora Donya Gloria gaya ni Press Secretary Cerge Remonde na tinuro pa ang Kongreso dahil hindi raw nagpapasa ng batas na siyang magbabago ng ating bank secrecy law.
Paalala lamang ho sa inyo, nuon pa man, hinamon na kayo ni Sen. Panfilo “Ping” Lacson na pumirma lahat ng pulitiko ng isang kasulatan na nag-aalis ng bank secrecy law. Ito ho yung batas na ayaw ng OECD countries.
Walang pumayag rito sa mga pulitiko natin pero matindi, ginamit pa itong dahilan ni Sir Senyor Don Jose Miguel Arroyo at ni Kongresista Ignacio “Iggy” Arroyo nung nilabas ni Sen. Ping ang Jose Pidal account.
Hindi rin pumayag rito si dating Comelec Chairman Benjamin Abalos na hanggang ngayon ay hindi kinakasuhan tungkol sa ZTE – NBN deal.
Ang mga kilalang sangkot sa Fertilizer Scam gaya ni dating Agriculture Undersecretary Jocjoc Bolante na matalik na kaibigan ni Sir Senyor Don Jose Miguel Arroyo ay tumanggi ring ilabas ang bank account niya at ginamit rin ang bank secrecy law.
Madam Senyora Donya Gloria, kung talagang nais ninyong maalis ang Pilipinas sa listahang ito, utusan niyo lang ang lahat ng bangko sa Pilipinas na may account kayo at pamilya niyo na isa publiko ang mga deposito at withdrawal ninyo. Isama niyo rin ang mga nasa ibang bansa.
Ang mga kaalyado niyo naman ay puwersado ring susunod kung kayo ay gagawa at sinumang hindi ay aalisin niyo sa puwesto.
Kaso, manhid na talaga at wala tayong aasahan. Ika nga nila, kapalmuks.

SAKIT SA BATO NAKAKAAPEKTO SA ULO

Ang tao bang pinalitan ng bato (kidney) ay nagiging ulyanin o di kaya’y nagiging magulo ang isip? Ito sana ang nais nating itanong sa mga doctor, lalo na ang nag kidney – implant kay (in)Justice Secretary Raul Gonzales.
Pumasok ito sa isipan natin dahil matagal na tayong nagtataka sa mga pinagsasabi nitong si Gonzales na ang alam natin ay isang abogado at dating mambabatas. Siya ho ang kongresista na siyang nagmaniobra ng pagbibilang ng boto ni Madam Senyora Donya Gloria kasama ni Sen. Francis Pangilinan na mas nakilala natin bilang si “Mr. Noted” pag nagpoprotesta ang mga abogado ng oposisyon dahil sa halatang pandaraya nung 2004.
Anyway, ito hong huling hirit niya ay tunay na pruweba na kailangan ng mag retire si Gonzales dahil hindi lamang pagiging bastos, arogante kung hindi wala sa tamang pag-iisip.
Pinangalanan niya ang kumpare nating si Raymond Burgos, isang kolumnista at dating Publisher ng isang pahayagan, bilang isa sa mamahayag daw na nagtungo sa Estados Unidos upang ayusin ang kaso ni Michael Ray Aquino, Glen Dumlao at Cezar Mancao.
Madalas kaming magkasama nitong si Raymond at hindi siya makakarating ng US dahil expired na ang visa niya.
Nakalimot yata si Gonzales na under sa kanya ang Bureau of Immigration at madali niyang makita kung umalis nga ba si Pareng Raymond.
Hirit rin ng mga kaalyado ni Madam Senyora Donya Gloria na nakapagpiyansa daw si Glen Dumlao dahil nagbitbit si Pareng Raymond at dalawa pang newsmen na malalapit kay Sen. Panfilo “Ping” Lacson ng $100,000 dolyar.
Bokya na naman siya, akala pa natin abogado siya. Paalala natin na sinumang maglalabas ng mahigit $10,000 dollars sa airport natin ay hindi papayagan. Labag sa batas ito at kung makalusot man dito ay tiklo ka sa US. O baka nakalimot si Gonzales na hindi Euro General itong si Raymond at lalong hindi siya si Gen. Carlos Garcia o anak niya, isang ordinaryong mamahayag lamang si Raymond.
Dagdag rin nila na maniobra raw ni Sen. Lacson ang pagpigil sa paguwi ni Mancao at ni Dumlao. Wow, matindi talaga ang epekto ng pagpapalit ng bato o baka naman gamot na iniinom niya dahil paano naman madidiktahan ni Sen. Lacson ang mga Amerikano.
Huling pagkakaalam ko ang nakaupo sa Malakanyang (kahit na iligal) ay si Madam Senyora Donya Gloria at si Raul Gonzales naman ang (in)Justice Secretary.
Buking na buking tuloy na itong pagbubuhay ng Dacer – Corbito case ay isang paraan upang gibain ang oposisyon sa pamumuno ni Sen. Lacson na talagang ayaw tumigil sa pagsisiwalat ng katiwalian ng administrasyon ni Madam Senyora Donya Gloria.
Suggestion ko lamang ho kung pakikinggan tayo ni Sec. Gonzales, sana walang epekto sa kanyang tenga ang kidney implant at patingin rin siya sa mga dalubhasa sa utak kung resulta ba ng operation niya ang nangyayari sa kanya.
Pahabol pa ho ay pa examine niyo rin ang mga gamot na ininom niyo, baka ho nahaluhan ng ecstacy at iba pang iligal na drogang nahuli sa mga tulak gaya ng Alabang boys kaya kayo nagkakaganuon.
Sec. Gonzales, apurahin niyo ito at baka makita namin kayong naglalaro ng laway sa harap ng telebisyon.